যুৱকৰ ৰহস্যজনক মৃত্যু : কলিয়াবৰ আৰক্ষী থানা ঘেৰাও স্থানীয় ৰাইজৰ

কলিয়াবৰৰ পৰা প্ৰদীপ লস্কৰ

কলিয়াবৰ আৰক্ষী থানাত উত্তপ্ত পৰিস্থিতি৷ কলিয়াবৰৰ সোণাৰিগাঁৱৰ শতাধিক মহিলাই ঘেৰাও কৰে কলিয়াবৰ আৰক্ষী থানা । যোৱা ৬ মাৰ্চত কলিয়াবৰ আৰক্ষী থানা এলেকাধীন সোণাৰিগাঁৱৰ সমীপৰ ৰে'ল লাইনত স্থানীয় প্ৰবীণ বৰদলৈ নামৰ এজন যুৱকৰ ৰহস্যজনকভাৱে মৃতদেহ উদ্ধাৰ হৈছিল। যুৱকজনক হত্যা কৰাৰ সন্দেহত পৰিয়াল তথা স্থানীয় লোকে কলিয়াবৰ থানাত এজাহাৰ দাখিল কৰিছিল যদিও স্থানীয় আৰক্ষীয়ে কোনো তদন্ত নকৰাত ৰাইজ ক্ষুণ্ণ হৈ কলিয়াবৰ থানা ঘেৰাও কৰি পৰিস্থিতি উত্তপ্ত কৰি তোলে। এসপ্তাহৰ ভিতৰত আৰক্ষীয়ে যুৱকজনৰ মৃত‍্যুৰ প্ৰকৃত কাৰণ উলিয়াব নোৱাৰিলে ভয়াৱহ পৰিস্থিতিৰ সন্মুখীন হ'ব আৰক্ষী প্ৰশাসনৰ লগতে মহকুমা প্ৰশাসন বুলি জনায় স্থানীয় ৰাইজে। মহকুমাধিপতি বিতোপন নেওগক মহিলাসকলে কাৰ্যালয়ত সাক্ষাৎ কৰি এইক্ষেত্ৰত ব‍্যৱস্থা গ্ৰহণৰ দাবী জনায়৷