সদৌ শোণিতপুৰ জিলা ছাত্ৰ সন্থাৰ দ্বাদশ বাৰ্ষিক অধিৱেশনৰ লাইখুঁটা স্থাপন

অহা ২৫ আৰু ২৬ মাৰ্চত ছয়দুৱাৰ আঞ্চলিক ছাত্ৰ সন্থাৰ উদ্যোগত আৰু বৃহত্তৰ ছয়দুৱাৰবাসী ৰাইজৰ সহযোগত অনুষ্ঠিত হ'বলগীয়া সদৌ শোণিতপুৰ জিলা ছাত্ৰ সন্থাৰ দ্বাদশ বাৰ্ষিক অধিৱেশনখনি উদ্‌যাপনৰ উদ্দেশ্যে আজি বৰঙাবাৰীৰ চাৰেঙীয়াত লাইখুঁটা স্থাপন কৰে উদ্‌যাপন সমিতিয়ে। পুৱা ১১ বজাত মাংগলিক ধ্বনিৰে লাইখুঁটা স্থাপন কৰা কাৰ্যসূচীত উপস্থিত থাকে সদৌ অসম ছাত্ৰ সন্থাৰ সাংগঠনিক সম্পাদক প্ৰজ্ঞান ভূঞাসহ চাৰিটা আঞ্চলিকৰ সমূহ বিষয়ববীয়া। অহা ২৫ আৰু ২৬ মাৰ্চত অনুষ্ঠিত হ'বলগীয়া বাৰ্ষিক অধিৱেশনখনিৰ সফল ৰূপ দিবৰ বাবে এতিয়া ব্যস্ত হৈ পৰিছে সদৌ শোণিতপুৰ জিলা ছাত্ৰ সন্থাৰ বিষয়ববীয়া তথা সদস্যসকল।