সোণাৰিত পথৰ আধাৰশিলা স্থাপন সাংসদ কামাখ্যা প্ৰসাদ তাচাৰ

সোণাৰিৰ পৰা ঘন বৰা

সমাগত লোকসভা নিৰ্বাচন । নিৰ্বাচনৰ আগমনৰ লগে লগে বিভিন্ন ৰাজনৈতিক দলৰ নেতাই বিভিন্ন আঁচনি ঘোষণা তথা আধাৰশিলা কৰি জনতাৰ মন জয় কৰি নিৰ্বাচনী বৈতৰণী পাৰ হ'বলৈ চেষ্টা কৰে। যোৰহাট লোকসভা সমষ্টিৰ অন্তৰ্গত সোণাৰি সমষ্টিত আজি সাংসদ কামাখ্যা প্ৰসাদ তাচাই প্ৰধান মন্ত্ৰী গ্ৰাম চড়ক যোজনাৰ অধীনত সদ্যনিৰ্মিত নাওবৈছা পথটিৰ আধাৰশিলা স্থাপন কৰে।

বেঙেনাবাৰী গাঁও পঞ্চায়তৰ অন্তৰ্গত ২ কোটি ২৯ লাখ ২৭ হাজাৰ টকাৰে নিৰ্মাণ হ'বলগীয়া ১.৮৭ কিঃমিঃ দৈৰ্ঘ্যৰ পথটিৰ আধাৰশিলা পিছত এখন সভা অনুষ্ঠিত হয়। সভাখন আঁতধৰে চৰাইদেউ গ্ৰাম্য পথ সংমণ্ডল কাৰ্যবাহী অভিযন্তা তৰুণ চন্দ্ৰ হাজৰিকাই।