মেঘালয়ৰ কয়লাখনিত উদ্ধাৰ অভিযানত নৌসেনাৰ ডুবাৰু

মেঘালয়ৰ পূব জয়ন্তীয়া জিলাৰ কয়লা খনিত ১৩ ডিচেম্বৰৰ পৰা আবদ্ধ হৈ আছে ১৫জন শ্ৰমিক৷ উদ্ধাৰ অভিযানত ভাৰতীয় নৌসেনাৰ ডুবাৰুৱেও সহযোগিতা আগবঢ়াবলৈ আৰম্ভ কৰিছে৷

ভাৰতীয় নৌসেনাৰ ১৫জনীয়া ডুবাৰু দল আজি কয়লা খনিটোত উপস্থিত হয়৷ উল্লেখ্য যে খনিটোত বান অহাৰ বাবে আবদ্ধ হৈ পৰা শ্ৰমিকসকলৰ ওচৰ পাবলৈ বাতৰি যুগুতোৱা পৰলৈকে সক্ষম হোৱা নাই উদ্ধাৰকাৰী দল৷

খনিটোৰ পৰা পানী বাহিৰলৈ উলিয়াবলৈ নিৰন্তৰে প্ৰয়াস চলাই থকা হৈছে যদিও উচ্চ ক্ষমতাসম্পন্ন পাম্প নথকাৰ বাবে যথেষ্ট অসুবিধাৰ সন্মুখীন হৈছে উদ্ধাৰকাৰীসকল৷

শেহতীয়াকৈ উদ্ধাৰকাৰী দলে আবদ্ধ শ্ৰমিকৰ তিনিটা হেলমেট উদ্ধাৰ কৰিছে৷ এই ঘটনাই এটা আশাৰ সংকেত কঢ়িয়াই আনিছে৷