নিৰাপত্তা বাহিনীৰে সংঘৰ্ষত নিহত ৫ নক্সাল বিদ্ৰোহী

ওড়িশাত কালি নিৰাপত্তা বাহিনীৰে হোৱা তয়াময়া সংঘৰ্ষত ৫জন নক্সাল বিদ্ৰোহী নিহত হয় । প্ৰাপ্ত তথ্য অনুসৰি, ৰাজ্যখনৰ কালিমেডা অঞ্চলত কম্বিং অপাৰেচন চলাবলৈ গৈছিল নিৰাপত্তা বাহিনীৰ এটা বিশাল দল । তেতিয়াই জোৱানসকলৰ সৈতে এদল বিদ্ৰোহী সংঘৰ্ষত লিপ্ত হয় । দুয়ো পক্ষৰ মাজত হোৱা প্ৰচণ্ড গুলীবৰ্ষণত কমেও ৫ জন বিদ্ৰোহী নিহত হয় । ইতিমধ্যে পাঁচটা মৃতদেহ উদ্ধাৰ হৈছে যদিও এই পৰ্যন্ত চিনাক্ত কৰিব পৰা হোৱা নাই ।