নগাঁও চহৰত মুকলি ভাৰতবৰ্ষৰ নম্বৰ ১ ফেমিলী কাৰ 'দ্য নিউ চেণ্ট্ৰ''

নগাঁৱৰ পৰা ঋতুপৰ্ণ শৰ্মা

নগাঁও চহৰৰ অগ্ৰণী গাড়ী বিক্ৰী প্ৰতিষ্ঠান 'আকাশ হুণ্ডাই'-এ আনুষ্ঠানিকভাৱে শুভ উদ্বোধন কৰে ভাৰতৰ ১ নম্বৰ ফেভাৰিট ফেমিলী কাৰ 'দ্য অল নিউ চেণ্ট্ৰ'' কাৰখন ৷

কেইবাগৰাকীও বিশিষ্ট ব্যক্তি, শতাধিক শুভাকাংক্ষী আৰু গ্ৰাহক ৰাইজৰ লগতে নতুন চেণ্ট্ৰ' কাৰখনি শুভ উদ্বোধনী অনুষ্ঠানত মুখ্য অতিথি হিচাপে উপস্থিত থাকে অসমীয়া ছবি জগতৰ জনপ্ৰিয় অভিনেতা ৰাগ ঐনিতম ৷

উদ্বোধনী অনুষ্ঠানত আকাশ হুণ্ডাইৰ স্বত্ত্বাধিকাৰ দিগন্ত বৰুৱাই সকলো গ্ৰাহক আৰু শুভাকাংক্ষীক অনুষ্ঠানটোৰ প্ৰতি থকা আন্তৰিকতাৰ শলাগ লোৱাৰ লগতে এসময়ৰ অতি জনপ্ৰিয় ব্ৰেণ্ড 'চেণ্ট্ৰ' কাৰ'খনে নতুন ৰূপত গ্ৰাহক ৰাইজৰ মাজত অধিক জনপ্ৰিয়তা অৰ্জন কৰিবলৈ সক্ষম হ'ব বুলি আশা ব্যক্ত কৰে ৷ 

উল্লেখ্য যে নগাঁৱৰ বজাৰত বাহনখনৰ প্ৰাৰম্ভিক মূল্য ৩,৮৯,৯০০ টকা ৷ বাহনখনৰ আৰম্ভণি মডেলৰ পৰাই এণ্টিলক ব্ৰেকিং ছিষ্টেম, এয়াৰবেগ আদি উপলব্ধ কৰোৱা হৈছে ৷

বন্তি প্ৰজ্বলন আৰু কেক কাটি আজি আকাশ হুণ্ডাইত 'দ্য অল নিউ চেণ্ট্ৰ''' গাড়ীখন নগাঁৱৰ বজাৰত মুকলি কৰি প্ৰতিষ্ঠানটোৰ সকলো বিষয়ববীয়া তথা কৰ্মকৰ্তা অতি আনন্দিত বুলি মনৰ ভাব ব্যক্ত কৰে নগাঁও আকাশ হুণ্ডাইৰ মুখ্য পৰিচালক পঙ্কজ বেজবৰুৱাই ৷