গৃহভূমিত উপস্থিত মিঃ ৱৰ্ল্ড গোলাপ ৰাভা

গৃহভুমিত উপস্থিত হ'ল অসম সন্তান গোলাপ ৰাভা । শৰীৰ চৰ্চা প্ৰতিযোগিতাত পুনৰ উজলি আজি অসমত আহি উপস্থিত হ'ল অসম সন্তান গোলাপ ৰাভা ।

যোৱা ২১ অক্টোবৰত ইউৰোপৰ লিথুৱানিয়াত ডব্লিউ এফ এফ-ডব্লিউ বি বি এফে আয়োজন কৰা মিঃ ৱৰ্ল্ড খিতাপ দখল কৰি অসমৰ লগতে সমগ্ৰ দেশৰ নাম উজলাই তুলিছে গোলাপ ৰাভাই । 

বকোৰ কালিয়াবাড়ী নিবাসী গোলাপ ৰাভা আজি দুপৰীয়া বৰঝাৰ বিমানবন্দৰত উপস্থিত হোৱাৰ লগে লগে ৰাভা জাতীয় কৃষ্টি-সংস্কৃতিৰে উষ্ম আদৰণি জনায় পৰিয়ালৰ লোকৰ লগতে শুভকাংক্ষীসকলে ।

লগতে বৰঝাৰ বিমানবন্দৰৰ পৰা এক বিশাল সমদলেৰে বকোলৈ লৈ যোৱা হয় অসম সন্তান গোলাপ ৰাভাক । উল্লেখ্য যে গোলাপ ৰাভাই ইয়াৰ পূৰ্বে ২০১৭ আৰু ২০১৮ বৰ্ষত মিঃ ইণ্ডিয়া আৰু ২০১৮ বৰ্ষতে মিঃ এছিয়া খিতাপ দখল কৰিছিল ।