২০১৯ত ধুবুৰীত আজমলক ৰুধিবলৈ বৰাকৰ পৰা আহিব ছিদ্দিক আহমেদ !

২০১৯ৰ লোকসভা নিৰ্বাচনৰ দিন চমু চাপি অহাৰ লগে লগে ধুবুৰী লোকসভাৰ কংগ্ৰেছৰ প্ৰাৰ্থিত্বপ্ৰত্যাশী দিনক দিনে বৃদ্ধি হোৱা পৰিলক্ষিত হৈছে ।

জানিব পৰা মতে, অমৃত বাদশা, ৱাজেদ আলী চৌধুৰী, আলী আকবৰ মিঞা, গুল আখতাৰা বেগম, মহিবুল হক, মতিয়ৰ ৰহমান মণ্ডল আৰু গালিফ ইছলাম আদিয়ে কঁকালত টঙালি বান্ধিছে ৷

ইয়াৰ সমান্তৰালভাৱে আজমলক ৰুধিবলৈ বৰাকৰ পৰা আহি আছে কংগ্ৰেছৰ প্ৰাক্তন মন্ত্ৰী ছিদ্দিক আহমেদ ধুবুৰী লোকসভা সমষ্টিৰ প্ৰাৰ্থিত্বপ্ৰত্যাশী হৈ ।

আজমলক ৰুধিবলৈ সবাতোকৈ উপযুক্ত প্ৰাৰ্থী অসমৰ সংখ্যালঘু প্ৰভাৱশালী নেতা প্ৰাক্তন মন্ত্ৰী ছিদ্দিক আহমেদ বুলি ধুবুৰী লোকসভা সমষ্টিৰ চুকে-কোণে তৃণমূল কংগ্ৰেছ কৰ্মী তথা ৰাইজৰ মাজত গুণা-গথা চলি থকা পৰিলক্ষিত হৈছে ।