ইচ্ছামৃত্যু আইন বলবৎ কৰাৰ দিশে স্পেইন

ইচ্ছামৃত্যুৰ বিধেয়কখন গৃহীত হ’ল স্পেইনৰ সংসদৰ নিম্ন সদনত (lower house of Parliament)। সংসদৰ উচ্চসদন বা চেনেট(Senate)ত এই বিধেয়ক গৃহীত হ’লেই  আইন হিচাপে বলবৎ কৰা হ’ব ইচ্ছামৃত্যু । স্পেইনত ইচ্ছামৃত্যুৰ বিধেয়ক গৃহীত কৰা বৰ সহজে নহয় । অনেক বাধা অতিক্ৰম কৰিব লগা হৈছে ।

স্পেইনৰ প্রধানমন্ত্রীয়ে বৃহস্পতিবাৰৰ দিনটো অৰ্থাৎ ১৭ ডিচেম্বৰক ঐতিহাসিক বুলি উল্লেখ কৰিছে । কাৰণ এই দিনটোতে সেই দেশৰ সংসদৰ নিম্ন সদনত ইচ্ছামৃত্যু সংক্রান্ত বিধেয়কৰ বিষয়ত ভোট হয়। ভোটত জয় হয় ইচ্ছামৃত্যু বা ইউথেনেছিয়া(Euthanasia)ৰ । ইয়াৰ পিছত স্পেইনত গুৰুতৰ ভাৱে অসুস্থ কোনো ৰোগীয়ে ইচ্ছামৃত্যুৰ আবেদন জনাব পাৰিব । সংশ্লিষ্ট চিকিৎসকসকল সন্মত হ’লেই ইচ্ছামৃত্যুৰ প্রক্রিয়া আৰম্ভ হ’ব ।