অভিশপ্ত ৩০ অক্টোবৰৰ সম্পূৰ্ণ হ'ল ১২ বছৰ

অভিশপ্ত ৩০ অক্টোবৰ।১২ বছৰ পূৰ্বে আজিৰ দিনটোতে ধাৰাবাহিক বিস্ফোৰণত কঁপিছিল গুৱাহাটীৰ লগতে ৰাজ্য বহুকেইটা অঞ্চল।মুহূৰ্ততে প্ৰাণ হেৰুৱাইছিল ৭২ জনকৈ নিৰীহ লোকে। দীৰ্ঘদিনৰ বাবে ঘূণিয়া হৈছিল বহুজন।গণেশগুৰি,পাণবজাৰৰ বিস্ফোৰণে তচনচ কৰিছিল বহু পৰিয়ালৰ জীৱন, আশা-আকাংক্ষা।গুৱাহাটীৰ উপৰিও বৰপেটা, কোকৰাঝাৰত ধাৰাবাহিকভাৱে বিস্ফোৰণ ঘটাইছিল এনডিএফবিৰ ৰঞ্জন দৈমাৰী গোটে।

ৰাজ্যবাসীয়ে আজিও পাহৰিবলৈ পৰা নাই অভিশপ্ত ৩০ অক্টোবৰৰ কথা।সমগ্ৰ ৰাজ্যবাসীয়ে আজিৰ দিনটোত ৩০ অক্টোবৰত সন্ত্ৰাসবাদৰ বলি হোৱাসকলক পুনৰবাৰ সোঁৱৰণ কৰিছে।