পঞ্চভূতত বিলীন জনপ্ৰিয় তাৰকা সুশান্ত সিং ৰাজপুত:শোকাকুল বলীউড

বলীউডৰ জনপ্ৰিয় তাৰকা সুশান্ত সিং ৰাজপুতৰ অন্ত্যেষ্টিক্ৰিয়া সোমবাৰে বিয়লি মুম্বাইৰ ভিলে পাৰ্লেৰ সেৱা সমাজৰ শশ্মান ঘাটত সম্পন্ন কৰা হয়।কৰনা ভাইৰাছৰ সংক্ৰমণ অব্যাহত থকাৰ বাবে অন্ত্যেষ্টিক্ৰিয়াত অধিক সংখ্যক লোক উপস্থিত থাকিব নোৱাৰিলে।অন্ত্যেষ্টিক্ৰিয়াত সুশান্তৰ পিতৃ আৰু ভগ্নী কান্দোনত ভাগি পৰে।শেষকৃত্য সম্পন্ন কৰাৰ সময়ত উপস্থিত থাকে অভিনেতা বিবেক অবেৰয়,শ্ৰদ্ধা কাপুৰ,কৃতী ছেননৰ দৰে তাৰকাসকল।সকলোৱে সেমেকা চকুৰে সুশান্তক বিদায় দিয়ে।উল্লেখ্য যে হতাশাগ্ৰস্ততা ৰোগৰ চিকাৰ হৈ "এম এছ ধোনী-দ্য আনট'ল্ড ষ্টোৰী"খ্যাত সুদৰ্শন অভিনেতাজনে মুম্বাইৰ বান্দ্ৰাৰ ফ্লেট এপাৰ্টলমেন্টত আত্মহননৰ পথ বাচি লৈছিল।