বাক্সাৰ নতুন বৰলাত সজাগতা সভা সম্পন্ন

জালাহৰ পৰা গুঞ্জন দাস:

নতুন বৰলা ভাতৃ সংঘ আৰু নতুন বৰুৱা গাওঁ উন্নয়ন সমিতিৰ যুটীয়া সহযোগত ২১ মাৰ্চত দিনৰ ১১ বজাত নতুন বৰলাত এখন সজাগতা সভা অনুষ্ঠিত কৰা হয়।মূলতঃ বিশ্বত্রাস সৃষ্টি কৰা ক'ৰ'না ভাইৰাছৰ সংক্ৰমণ ৰোধৰ ক্ষেত্ৰত সজাগতা সৃষ্টিৰ বাবে অনুষ্ঠিত কৰা সভাখনত স্বৰ্ণা আৰু আঙুলিয়াৰ গাঁওবুঢ়া জগদীশ দাস আৰু ৰতন দাস উপস্থিত থাকে। স্বৰ্ণা সমূহীয়া উপ স্বাস্থ্য কেন্দ্ৰৰ চিকিৎসক, নাৰ্চৰ লগতে অন্য কৰ্মচাৰীসকলে মহাৰাষ্ট্ৰ আৰু বেংগালুৰুৰ পৰা ঘৰলৈ উভতি অহা নতুন বৰলা গাঁঁৱৰ চাৰিজন লোকৰ স্বাস্থ্য পৰীক্ষা কৰে।স্মৰ্তব্য যে সভাৰ শেষত শিমলা থানাৰ অ'চি উপস্থিত হৈ ৰাইজক অতাংকিত নহ'বলৈ আহ্বান জনায়।