জনতা কাৰ্ফিউৰ মাজত দেশব্যাপি জনতাই হাত চাপৰি,ঘন্টা বজাই ধন্যবাদ জ্ঞাপন কৰিলে চিকিৎসক,চিকিৎসা-কৰ্মীসকলক

প্ৰধানমন্ত্ৰী নৰেন্দ্ৰ মোডীৰ আহ্বান মৰ্মে দেওবাৰে দেশব্যাপি 'জনতা কাৰ্ফিউ' পালন কৰিছে।লগতে,বিয়লি ঠিক ৫ বজাৰ লগে লগে দেশৰ সকলো ৰাজ্যতে প্ৰধানমন্ত্ৰীৰ আহ্বান মৰ্মে জনতাই হাত চাপৰি বজাই আৰু ঘণ্টা,থাল আদি বজাই ক'ৰ'না প্ৰতিৰোধৰ যুঁজ চলাই থকা চিকিৎসক,চিকিৎসা কৰ্মী,আৰক্ষী,সাংবাদিকসকলক ধন্যবাদ জ্ঞাপন কৰে।অসমৰো সকলো এলেকাত আৰু গুৱাহাটী মহানগৰীতো জনতাই এনেধৰণেৰে চিকিৎসক-চিকিৎসা কৰ্মীসকলক ধন্যবাদ জ্ঞাপন কৰে আৰু কৃতজ্ঞতা প্ৰকাশ কৰে।