সোমবাৰে বিয়লি ৫ বজাৰ বৈঠকত বিজেপিয়ে চূড়ান্ত কৰিব ৰাজ্যসভাৰ প্ৰাৰ্থী

ৰাজ্যসভাৰ আসনৰ প্ৰাৰ্থীৰ নাম চূড়ান্ত কৰাৰ বাবে বিজেপিৰ বিধায়নী দলৰ বৈঠক আহ্বান কৰা হৈছে।
আবেলি ৫ বজাত বিজেপিৰ বিধায়িনী কক্ষত অনুষ্ঠিত হ'ব বৈঠকখন।বৈঠকত উপস্থিত থাকিব মুখ্যমন্ত্ৰী সৰ্বানন্দ সোণোৱাল।বৈঠকত দলটোৰ সকলো বিধায়কক উপস্থিত থকাৰ নির্দেশ দিছে বিধায়িনী দলৰ সচিব বিমল বৰাই।

বৈঠকতে সৰ্বসন্মতিক্ৰমে চূড়ান্ত কৰা হ'ব ৰাজ্যসভাৰ বিজেপিৰ প্ৰাৰ্থীগৰাকীৰ নাম। উল্লেখ্য যে মিত্ৰতাৰ অংশীদাৰী হিচাপে ইতিমধ্যে অগপই লাভ কৰা ৰাজ্যসভাৰ দ্বিতীয়খন আসনৰ বাবে জ্যেষ্ঠ নেতা বীৰেন্দ্ৰ প্ৰসাদ বৈশ্য নাম ঘোষণা কৰিছে।আনহাতে,কাইলৈ ৰাজ্যসভাৰ আসন দুখনৰ বাবে মনোনয়নপত্ৰ দাখিলৰ অন্তিম দিন।