কংগ্ৰেছে উত্তৰ-পূবক অন্তৰতো ঠাই নিদিলে,দিল্লীতো নিদিলে-নৰেন্দ্ৰ মোডী

আজি অৰুণাচল প্ৰদেশৰ পাচিঘাটত প্ৰধানমন্ত্ৰী নৰেন্দ্ৰ মোডীয়ে নিৰ্বাচনী প্ৰচাৰ চলায়।বিশাল জনসভাক সম্বোধন কৰি মোদীয়ে কয় যে জনতাৰ আশীৰ্বাদৰ বাবেই ৰাষ্ট্রীয় ঘাইপথ ,যাতায়তৰ উন্নয়নৰ দিশত বহু কাম কৰিব পাৰিছোঁ।তেজু আৰু পাচিঘাটত  বিমানবন্দৰ, নাহৰলগুন-গুৱাহাটী অৰুণাচল এক্সপ্ৰেছ জনতাই স্থাপন কৰা বিশ্বাসৰে ফল।স্বাধীনতাৰ সাতটা দশকৰ পিছত অৰুণাচলৰ সকলো গাঁৱত বিদ্যুৎ সংযোগ হোৱা বুলি মোডীয়ে উল্লেখ কৰে।

এইবাৰৰ নিৰ্বাচন উত্তৰ- পূবৰ বিকাশৰ বাবে দিন-ৰাতি একাকৰ কৰা আৰু উত্তৰ-পূবক উপেক্ষা কৰাৰ মাজৰ নিৰ্বাচন বুলি প্ৰধানমন্ত্ৰীয়ে কয়।কংগ্ৰেছক তীব্ৰ সমালোচনা কৰি প্ৰধানমন্ত্ৰীয়ে মন্তব্য কৰে যে কংগ্ৰেছৰ বাবে সকলো ভোটবেংক।কংগ্ৰেছে উত্তৰ-পূবক অন্তৰত ঠাই নিদিলে,দিল্লীতো নিদিলে।