আজি অসমত ৰাহুল গান্ধীৰ প্ৰচাৰ অভিযান

লোকসভা নিৰ্বাচনৰ প্ৰচাৰ চলাবলৈ আজি উত্তৰ-পূবলৈ আহিছে  নিখিল ভাৰত কংগ্ৰেছ কমিটীৰ সভাপতি ৰাহুল গান্ধী। পুৱা  ১০.৪৫ বজাত নাগালেণ্ডৰ ডিমাপুৰৰ জিলা ক্ৰীড়া ষ্টেডিয়ামত এক জনসভাত অংশগ্ৰহণ কৰে ৰাহুল গান্ধীয়ে। তাৰ পিছত দিনৰ ১২.৪৫ বজাত আহি উপস্থিত হ'ব অসমত। কংগ্ৰেছৰ কলিয়াবৰৰ প্ৰাৰ্থী গৌৰৱ গগৈৰ হৈ বোকাখাটৰ স্পৰ্টছ কমপ্লেক্স খেল পথাৰত  এখন নিৰ্বাচনী প্ৰচাৰ সভাত অংশগ্ৰহণ কৰিব গান্ধীয়ে। বিয়লি ৩ বজাত লখিমপুৰ লোকসভা সমষ্টিৰ কংগ্ৰেছৰ প্ৰাৰ্থী অনিল বৰগোঁহাইৰ বাবে লখিমপুৰ উচ্চ মাধ্যমিক খেল পথাৰত এখন জনসভাত প্ৰচাৰ চলাব কংগ্ৰেছ অধ্যক্ষগৰাকীয়ে।আনহাতে, লোকসভা নিৰ্বাচনৰ প্ৰচাৰ চলোৱাৰ বাবে মঙলবাৰে সন্ধিয়া  ডিব্ৰুগড়ত আহি উপস্থিত হৈছে প্ৰধানমন্ত্ৰী নৰেন্দ্ৰ মোডী। নিশাটো ডিব্ৰুগড়ৰ মোহনবাৰী বিমানবন্দৰৰ অৰ্ধসামৰিক বাহিনীৰ অতিথিশালত কটাই মোডীয়ে। আজি অৰুণাচলৰ পাচিঘাটৰ এক নিৰ্বাচনী জনসভাত অংশগ্ৰহণ কৰিব মোডীয়ে।তাৰ পিছত তেওঁ ৰাওনা হ'ব পশ্চিমবঙ্গলৈ।