আজি মনোনয়নপত্ৰ দাখিল কৰিব ববিতা শৰ্মা আৰু কুইন ওজাই

তৃতীয় পৰ্যায়ৰ লোকসভাৰ নিৰ্বাচনৰ বাবে আজি গুৱাহাটী লোকসভা সমষ্টিৰ কংগ্ৰেছৰ প্ৰাৰ্থী ববিতা শৰ্মাই  মনোনয়নপত্ৰ  দাখিল কৰিব।কামৰূপ জিলা উপায়ুক্তৰ কাৰ্যালয়ত প্ৰাৰ্থীগৰাকীয়ে দিনৰ ১ বজাত বৃহৎসংখ্যক দলীয় সমৰ্থকৰ উপস্থিতিত দাখিল কৰিব মনোনয়নপত্ৰ। উল্লেখ্য যে প্ৰাৰ্থীগৰাকীয়ে মনোনয়নপত্ৰ দাখিল কৰাৰ সময়ছোৱাত অসম প্ৰদেশ কংগ্ৰেছৰ কেইবাগৰাকী শীৰ্ষ নেতা উপস্থিত থাকিব।আনহাতে আজি বিজেপিৰ সমৰ্থিত প্ৰাৰ্থী কুইন ওজায়ো দাখিল কৰিব মনোনয়নপত্ৰ।  মনোনয়নপত্ৰ দাখিল কৰিবৰ বাবে দলীয় কর্মীসকলৰ সৈতে এক বৃহৎ ৰেলীৰে উপায়ুক্তৰ কাৰ্যলয়ত উপস্থিত হ'ব প্ৰাৰ্থীগৰাকী।