এনপিপিৰ অসমৰ আহ্বায়কৰ দায়িত্বত দিলীপ বৰা

আগন্তক লোকসভাৰ বাবে সাজু হৈছে কনৰাড চাংমা নেতৃত্বত এন পি পি। কেৱল মেঘালয়তে নহয়, সমগ্ৰ উত্তৰ-পূবতে আগন্তক লোকসভা নিৰ্বাচনত প্ৰাৰ্থী দিব এনপিপিয়ে। সেই কথা ইতিমধ্যে ঘোষণা কৰিছে মেঘালয়ৰ মুখ্যমন্ত্ৰীজনে। তাৰ মাজতে অসমৰ বাবেও এনপিপি দলে নিযুক্তি দিছে আহ্বায়কক। অগপ দলৰ প্ৰাক্তন উপ-সভাপতি দিলীপ বৰাক এনপিপিৰ অসমৰ আহ্বায়কৰ দায়িত্ব প্ৰদান কৰা হৈছে। উল্লেখ্য যে কিছুদিনৰ পূৰ্বে দলৰ সিদ্ধান্তত ক্ষুদ্ধ হৈ অগপ ত্যাগ কৰিছিল দিলীপ বৰাই।