আৰক্ষী বিষয়া আবু চুফীয়ানৰ প্ৰবন্ধ সংকলন 'বিশ্বায়নৰ সম্ৰাট'ৰ উন্মোচন

আজি গুৱাহাটী প্ৰেছ ক্লাবৰ এক গাম্ভীৰ্য পূৰ্ণ অনুষ্ঠানত নিষ্ঠাৱান আৰক্ষীৰ বিষয়া আবু চুফীয়ানৰ এখন প্ৰবন্ধ সংকলন উন্মোচন কৰা হয়। "বিশ্বায়নৰ সম্ৰাট" নামৰ প্ৰবন্ধ সংকলনখন অনুষ্ঠানিকভাৱে উন্মোচন কৰে জ্যেষ্ঠ সাংবাদিক অজিত কুমাৰ ভূঞাই। ইয়াৰ উপৰিও এই গ্ৰন্থ উন্মোচনী অনুষ্ঠানটোত সভাপতিত্ব কৰে শিক্ষাবিদ ডঃ দীনেশ বৈশ্য, জ্যেষ্ঠ সাংবাদিক হাইদৰ হুছেইন প্ৰমুখ্যে ভালে সংখ্যক গণ্য মান্য ব্যক্তি।

ইফালে গ্ৰন্থখনৰ উন্মোচনৰ প্ৰাকমুহূৰ্ত গ্ৰন্থখনৰ সম্পৰ্কত লিখক আবু চুফিয়ানে কয় প্ৰশাসনৰ দায়িত্বত থকা বাবে কিতাপখন লিখোঁতে বহু বাধ্য-বাধকতা মানি লৈ কথাবোৰ বৰ্ণনা কৰিব লগা হৈছে। আনহাতে, কিতাপখন উন্মোচন কৰি জ্যেষ্ঠ সাংবাদিক অজিত কুমাৰ ভূঞাই লেখকগৰাকীক ধন্যবাদ জনাই কয় প্ৰশাসনৰ গুৰুত্বপূৰ্ণ দায়িত্বত থাকিও প্ৰশাসনৰ গণ্ডী ভিতৰতে কেৱল সোমাই নাথাকি স্বতন্ত্ৰ মনৰ পৰিচয় দিছে।