পাকিস্তানী বিমান ভাৰতীয় বায়ুসীমাত প্ৰৱেশ, ভাৰতীয় বায়ুসেনাই ওভতাই পঠাই বিমানখন

ভাৰতীয় বায়ুসীমাত প্ৰৱেশ পাকিস্তানী যুদ্ধ বিমান৷ ভাৰতীয় বায়ুসীমা উলংঘা কৰি জম্মু-কাশ্মীৰৰ ৰাজৌৰী জিলাৰ নাওছেৰা ছেক্টৰেৰে প্ৰৱেশ৷ ভাৰতীয় বায়ুসেনাৰ বিমানে ওভতাই পঠিয়াবলৈ বাধ্য কৰাই পাকিস্তানৰ যুদ্ধ বিমান৷ সংবাদ সংস্থা পিটিআইৰ সূত্ৰত প্ৰকাশ এই তথ্য৷

অৱশ্যে ভাৰত চৰকাৰে এই সন্দৰ্ভত কোনো তথ্য প্ৰকাশ কৰা নাই৷ জম্মু, শ্ৰীনগৰ, লেহ আৰু পাঠানকোট বিমানবন্দৰত হাই এলাৰ্ট জাৰি৷ কাশ্মীৰলৈ যাবলগীয়া ভাৰতীয় বাণিজ্যিক বিমানৰ যাত্ৰা বাতিল কৰা হৈছে৷ ইণ্ডিগ' আৰু স্পাইছ জেট কৰ্তৃপক্ষই জনাইছে এই কথা৷ চণ্ডীগড়, লেহ আৰু জম্মু-কাশ্মীৰত সকলো বাণিজ্যিক বিমানৰ উৰণ বাতিলৰ নিৰ্দেশ বায়ুসেনাৰ৷ জম্মু আৰু শ্ৰীনগৰলৈ ৰাওনা হোৱা কেইবাখনো বিমান ওভতাই অনা হৈছে দিল্লীলৈ৷