জাতিধ্বংসী বিধেয়কৰ বিৰোধিতাৰে ৰাজ্যজুৰি আছুৰ অনশন

জাতিধ্বংসী নাগৰিকত্ব সংশোধনী বিধেয়কৰ বিৰোধিতাৰে আজি সমগ্ৰ ৰাজ্যতে সদৌ অসম ছাত্ৰ সন্থাই ১০ ঘণ্টীয়া অনশন কাৰ্যসূচী পালন কৰিছে। পুৱা ৬ বজাৰ পৰা অনশনত বহিছে আছুসদস্যসকল। গুৱাহাটী মহানগৰীৰ দীঘলীপুখুৰীৰ পাৰত আছু নেতৃত্বই ৰূপায়ণ কৰিছে অনশন কাৰ্যসূচী।

আছু নেতৃত্বই অনশনস্থলীৰ পৰা কেন্দ্ৰ আৰু ৰাজ্য চৰকাৰক প্ৰদান কৰিছে শেষ সকীয়নী। উল্লেখ্য যে আজি প্ৰতিখন জিলা সদৰতে আছুৱে পালন কৰিছে অনশন কাৰ্যসূচী। ৰঙিয়াতো আঞ্চলিক ছাত্ৰ সন্থাই পালন কৰিছে অনশন কাৰ্যসূচী। ৰঙিয়া আঞ্চলিক ছাত্ৰ সন্থাই হিমন্ত বিশ্ব শৰ্মাক অনশনস্থলীতে জাতীয় গুণ্ডা হিচাপে অভিহিত কৰিছে।