ৱেষ্ট ইণ্ডিজক পৰাস্ত কৰাৰ পিছত ভাৰতে ছেমি ফাইনেল খেলাটো প্ৰায় নিশ্চিত

নিউজ ডেস্ক:
বিশ্বকাপৰ ৬ খন খেলৰ ৫ খনতে বিজয় সাব্যস্ত কৰা ভাৰতে এতিয়া ছেমি ফাইনেল খেলাটো প্ৰায় নিশ্চিত হৈছে।বুধবাৰে ৱেষ্ট ইণ্ডিজক পৰাস্ত কৰাৰ পিছত এতিয়া ভাৰত পইণ্ট তালিকাত দ্বিতীয় স্থানত।ভাৰতৰ এতিয়া মুঠ ১১ পইণ্ট।৭ খন খেলৰ পৰা ১২ পইণ্ট দখল কৰি তালিকাৰ শীৰ্ষ স্থানত আছে অষ্ট্ৰেলিয়া।বাকী থকা ৩ খন খেলত জয়লাভ কৰিলে ভাৰতে তালিকাৰ শীৰ্ষস্থানত আৰোহণ কৰিব।

বুধবাৰে ৱেষ্ট ইণ্ডিজৰ বিৰুদ্ধে খেলত প্ৰথমে বেটিং কৰা ভাৰতে আশানুৰূপভাৱে বৃহৎ ৰাণ কৰাত ব্যৰ্থ হয় যদিও বলাৰসকলৰ নিখুঁত বলিঙৰ বাবে ৱেষ্ট ইণ্ডিজক শোচনীয়ভাৱে পৰাস্ত কৰিবলৈ সক্ষম হয়।ভাৰতে প্ৰদান কৰা ২৬৯ ৰাণৰ লক্ষ্য
 অনুসৰণ কৰিবলৈ গৈ ৱেষ্ট ইণ্ডিজ ১৪৩ ৰাণতে সীমাবদ্ধ থাকে।ভাৰতৰ ইংনিছত অধিনায়ক কোহলিয়ে ৭২  আৰু এম এছ ধোনীয়ে অপৰাজিত ৫৬ ৰাণ কৰে।মহম্মদ ছামীয়ে ১৬ ৰাণত ৪ টা উইকেট দখল কৰি ৱেষ্ট ইণ্ডিজৰ বেটিং লাইনআপৰ কঁকাল ভাঙি দিয়ে।