আফগানিস্তানৰ বিৰুদ্ধে  শ্বাসৰুদ্ধকৰ খেলত ভাৰতৰ জয়লাভ

নিউজ ডেস্ক :

অন্তিম অভাৰত মহম্মদ ছামীৰ হেট্ৰিকৰ জৰিয়তে ভাৰতে শ্বাসৰুদ্ধকৰ খেলত বিজয় সাব্যস্ত কৰিলে আফগানিস্তানৰ বিৰুদ্ধে।ভাৰতে প্ৰথমে বেটিং কৰি ৮ উইকেটত ২২৪ ৰাণ কৰাৰ প্ৰত্যুত্তৰত আফগানিস্তানে আটাইকেইটা উইকেট হেৰুৱাই ২১৩ ৰাণ কৰে।ফলত ভাৰতে ১১ ৰাণত বিজয় সাব্যস্ত কৰে।ভাৰতৰ ইনিংছত অধিনায়ক বিৰাট কোহলিয়ে ৬৭,কেডাৰ জাধভে অপৰাজিত ৪৭,কে এল ৰাহুলে ৩০আৰু এম এছ ধোনীয়ে ২৮ ৰাণ কৰে।

আফগানিস্তানৰ বিশ্বমানৰ স্পীন বলিঙৰ আগত ভাৰতীয় বেটছমেনসকলে আশানুৰূপ বেটিং বিক্ৰম প্ৰদৰ্শন কৰিবলৈ নোৱাৰিলে।আফগানিস্তানৰ মহম্মদ নবী আৰু গুলবদিন নাইবে প্ৰত্যেকে ২ টাকৈ উইকেট দখল কৰে।

আফগানিস্তানৰ ইনিংছত মহম্মদ নবীয়ে সাহসিক ৫২ ৰাণ কৰি নিজ দলক জয়ৰ যথেষ্ট ওচৰলৈ আনে।ৰহমত শ্বাহে  ৩৬ ৰান কৰে।বিশ্বকাপত ভাৰতৰ দ্বিতীয়জন বলাৰ হিচাপে হেট্ৰিক কৰা ছামীয়ে ৪ টা উইকেট দখল কৰে।চেহেল আৰু বুমৰাই ২ টাকৈ উইকেট দখল কৰে।উল্লেখ্য যে এই যায় আছিল বিশ্বকাপত ভাৰতৰ ৫০ সংখ্যক জয়।