ভাৰতৰ বিৰুদ্ধে পৰাজয়ৰ ফল:মলত সমৰ্থকৰ হাতত অপমানিত পাকিস্তানৰ অধিনায়ক ছৰফৰাজ আহমেদ

ভাৰতৰ বিৰুদ্ধে বিশ্বকাপ ক্ৰিকেটৰ খেলত পৰাস্ত হোৱাৰ পিছত পাকিস্তানী অধিনায়ক ছৰফৰাজ আহমেদৰ সঁচাকৈয়ে বেয়া দিন আহিছে।ইংলেণ্ডৰ এটা মলত পাকিস্তানী ক্ৰিকেট দলৰ এজন সমৰ্থকে আহমেদৰ সৈতে অভদ্ৰতা কৰে।নিজৰ সন্তানক কোলাত লৈ মলটোত খোজ কাঢ়ি থকা অৱস্থাত এজন যুৱ ক্ৰিকেটপ্ৰেমীয়ে ছৰফৰাজক গাহৰিৰ লগত তুলনা কৰি কটাক্ষ কৰে।

যুৱকজনে হাঁহি হাঁহি ছৰফৰাজক উদ্দেশ্য কৰি কয়- 'ভাই,আপুনি গাহৰিৰ নিচিনা কিয় শকত হৈছে।কমকৈ খোৱা কৰিব।আপুনি পাকিস্তানৰ বৰ গৌৰৱ বৃদ্ধি কৰিলে নহয়!'

যুৱ ক্ৰিকেটপ্ৰেমীজনৰ মুখত অপশব্দ শুনি ছৰফৰাজে খঙেৰে যুৱকজনৰ ফালে চাই যদিও কোনো প্ৰতিক্ৰিয়া প্ৰকাশ নকৰি আঁতৰি যায়।পাকিস্তানী অধিনায়কক অপমান কৰা এই ভিডিঅ'টো ইতিমধ্যে ভাইৰেল হৈ পৰিছে।