ভাৰতীয় ফুটবল দলক প্ৰশংসা আইমাৰৰ

ভাৰতীয় অনূৰ্ধ্ব ২০ ফুটবল দলক প্ৰশংসা কৰে আৰ্জেণ্টিনাৰ প্ৰাক্তন তাৰকা ফুটবলাৰ পাবলো আইমাৰে ৷ আইমাৰ বৰ্তমান আৰ্জেণ্টিনাৰ অনূৰ্ধ্ব ২০ দলৰ কাৰিকৰী সঞ্চালক ৷

আৰ্জেণ্টিনাৰ প্ৰশিক্ষক লিঅ'নেল স্কালেনিনেও ভাৰতীয় যুৱ ফুটবল খেলুৱৈসকলক প্ৰশংসা কৰে ৷ দুয়োজনে ভাৰতীয় দলৰ শিবিৰলৈ আহি বহু সময় ভাৰতীয় যুৱ খেলুৱৈৰ লগত আলোচনা কৰে ৷

মাৰাডোনাৰ পিছত আইমাৰ আৰ্জেণ্টিনাৰ অন্যতম তাৰকা খেলুৱৈ ৷ আইমাৰৰ ইচ্ছা, ভাৰতৰ বিভিন্ন বয়সৰ খেলুৱৈৰ লগত আৰ্জেণ্টিনাৰ ফুটবলাৰে খেলা উচিত ৷ ভাৰতীয় যুৱ দলে আৱেগ লৈ খেলিছে ৷

খেলপথাৰত অতি কষ্ট কৰিছে ৷ তেওঁ কয় ভাৰতৰ জাতীয় দলৰ লগত আৰ্জেণ্টিনাৰ জাতীয় দলৰ কিছু খেল অনুষ্ঠিত কৰা উচিত ৷ আৰ্জেণ্টিনাৰ অনূৰ্ধ্ব ২০ দলৰ প্ৰশিক্ষক স্কালেনিনে কয় যে ভাৰতৰ অধিনয়ক অমৰজিৎ সিঙে অতি ভাল খেলিছে ৷

আৰু তিনি-চাৰি বছৰ এনেদৰে খেলিলে ভাৰতে অতি ভাল প্ৰদৰ্শন কৰিব বুলিও তেওঁ কয় ৷