৩১ মে'ৰ  পূৰ্বে  ফুটবলৰ আন্তঃজিলা  দল সলনি 

নগাঁৱৰ পৰা  ঋতু  পৰ্ণ শৰ্মা :

অসম ফুটবল সন্থাৰ ২০১৯-২০ বৰ্ষৰ  বাবে  খেলুৱৈসকলৰ  আন্তঃজিলা  দল  সলনিৰ  প্ৰক্ৰিয়া  অহা  ৩১ মে'ৰ পূৰ্বে  সম্পন্ন  কৰিব  লাগিব । ইচ্ছুক  খেলুৱৈসকলে  নিৰ্ধাৰিত প্ৰ-পত্ৰযোগে  নিজ নিজ  জিলা ক্ৰীড়া সন্থাৰ  আৱেদন  কৰিব  পাৰিব । খেলুৱৈসকলে  দল  সল  সলনিৰ  বাবে তিনি কপিকৈ  পাছপ'ৰ্ট  আকাৰৰ ফটোৰ লগতে  অসম  ফুটবল সন্থাৰ  নামত ৫০০টকা নগদ  অথবা  ডিমাণ্ড ড্ৰাফটযোগে  মাচুল  জমা দিব লাগিব  বুলি  অসম ফুটবল  সন্থাৰ  যুটীয়া  সম্পাদক  প্লাৱন বৰুৱাই  জনাইছে । আনহাতে  জিলা ক্ৰীড়া  সন্থাসমূহৰ  মাত্ৰ  এটা  ক্লাবৰ  পক্ষে  প্ৰতিগৰাকী  খেলুৱৈয়ে  তিনিখনকৈ  প্ৰ-পত্ৰ  প্ৰেৰণ কৰিব লাগিব  আৰু  এটাতকৈ  অধিক  ক্লাবৰ  প্ৰ-পত্ৰ  বাতিল  কৰা  হ'ব ।