বিশ্ব বেডমিণ্টন চেম্পিয়নশ্বিপৰ ছেমি ফাইনেলত পি ভি সিন্ধু

বিশ্ব বেডমিণ্টন চেম্পিয়নশ্বিপৰ ছেমি ফাইনেলত প্ৰৱেশ কৰিছে ভাৰতৰ তাৰকা শ্বাটলাৰ পি ভি সিন্ধুৱে । শুকুৰবাৰে অনুষ্ঠিত কোৱাৰ্টাৰ ফাইনেলত সিন্ধুৱে পৰাস্ত কৰে ডিফেণ্ডিং চেম্পিয়ন, জাপানৰ নজ'মি অ'কুহাৰাক । ৫৮ মিনিটজোৰা খেলখনত সিন্ধুৱে ২০১৭ বৰ্ষৰ চেম্পিয়নগৰাকীক ২১-১৭,২১-১৯ ব্যৱধানত পৰাস্ত কৰে । লক্ষণীয়ভাৱে, টুৰ্ণামেণ্টখনৰ পৰা সিন্ধুৰ বাহিৰে আটাইকেইজন ভাৰতীয় তাৰকা শ্বাটলাৰে ইতিমধ্যে বিদায় লৈছে ।