ইলাইট ৰাষ্ট্ৰীয় মহিলা বক্সিং প্ৰতিযোগিতালৈ গোলাঘাটৰ ৰুমেনা বেগম

গোলাঘাটৰ পৰা মীনাক্ষী ফুকন

অহা ৩১ ডিচেম্বৰ, ২০১৮ৰ পৰা ৭ জানুৱাৰী, ২০১৯লৈকে কৰ্ণাটকত অনুষ্ঠিত হ'বলগীয়া তৃতীয় ইলাইট ৰাষ্ট্ৰীয় মহিলা বক্সিং প্ৰতিযোগিতালৈ গোলাঘাট জিলা এমেচাৰ বক্সিং এছ'চিছিয়েচন (বি এফ আই)ৰ ৰুমেনা বেগম নিৰ্বাচিত হৈছে ।

দেওবাৰে গুৱাহাটীত অনুষ্ঠিত হোৱা নিৰ্বাচনী শিবিৰত ৰুমেনাই ৮১ কেজি শাখাত অসমক প্ৰতিনিধিত্ব কৰাৰ গৌৰৱ অৰ্জন কৰে ।

গোলাঘাট জিলা এমেচাৰ বক্সিং এছ'চিছিয়েচনৰ হৈ সাধাৰণ সম্পাদক আনজাৰ হুছেইন, সহঃ সম্পাদক বিৰেণ গগৈ, উপ-সভাপতি মৃদুল বৰাই খেলুৱৈগৰাকীক অভিনন্দন জ্ঞাপন কৰে ।

ৰুমেনাই বৰ্তমান এছ'চিয়েচনৰ প্ৰশিক্ষক নাজিম আহমেদৰ ওচৰত প্ৰশিক্ষণ গ্ৰহণ কৰি আছে ।