বিশ্ব মহিলা বক্সিংৰ ব্ৰঞ্জ প্ৰাপক লাভলীনাক গোলাঘাট এমেচাৰ বক্সিং এচ'ছিয়েচনৰ সম্বৰ্ধনা  

গোলাঘাটৰ পৰা মীনাক্ষী ফুকন 
আজি গোলাঘাট জিলা এমেচাৰ বক্সিং এচ'ছিয়চনে (বি এফ আই)সদ্য সমাপ্ত বিশ্ব মহিলা বক্সিং প্ৰতিযোগিতাত ব্ৰঞ্জৰ পদক লাভ কৰি অসম তথা ভাৰতলৈ গৌৰৱ কঢ়িয়াই অনা গোলাঘাট জিলা বৰপথাৰৰ জিয়ৰী লাভলীনা বৰগোঁহাই ক নিজা বাসগৃহত উপস্থিত হৈ বিপুল সম্বৰ্ধনা জ্ঞাপন কৰে।

এচ'ছিয়েচনৰ সম্পাদক আনজাৰ হুছেইন, সহ সম্পাদক বিৰেণ গগৈ, প্ৰশিক্ষক নাজিম আহমেদ আৰু ছাইৰ বক্সিং প্ৰশিক্ষক এন আই এচ ৰাম'ননৰ লগতে দৈনিক অগ্ৰদূতৰ ক্ৰীড়া সাংবাদিক মীনাক্ষী ফুকনেও খেলুৱৈগৰাকীক অসমৰ মান গামোচা, ফুলৰ তোৰাৰে আদৰণি জনাই আৰু আগন্তুক অলিম্পিকৰ বাচনিৰ বাবে শুভেচ্ছা জ্ঞাপন কৰে।

মত বিনিময়ৰ যোগেদি খেলুৱৈ গৰাকীৰ পৰা জানিব পৰা মতে, অহা ৯ ডিচেম্বৰত গুৱাহাটীত অনুষ্ঠিত হ'বলগীয়া ৰাষ্ট্ৰীয় বক্সিং প্ৰতিযোগিতাৰ বাবে বাচনি শিৱিৰত অংশ লোৱাৰ পাছতেই তেওঁ উচ্চ প্ৰশিক্ষণৰ বাবে দিল্লীলৈ ৰাওঁনা হ'ব।