সমগ্ৰ জিলাখনতে শিক্ষাৰ গুণগত মানদণ্ড উন্নত কৰাৰ লক্ষ্যৰে মঙলবাৰৰ পৰা আৰম্ভ হোৱা দ্বিতীয় পৰ্যায়ৰ গুণোৎসৱৰ সফলভাৱে তথা উলহ-মালহেৰে চলি থকা পৰিলক্ষিত হয় ওদালগুৰি জিলাত ।
ওদালগুৰি জিলাৰ খৈৰাবাৰী শিক্ষা খণ্ডৰ অন্তৰ্গত কলাইগাঁৱৰ নিকটৱৰ্তী বননগৰী উচ্চ মাধ্যমিক বিদ্যালয়ত উলহ-মালহেৰে গুণোৎসৱ ৰূপায়ণ কৰে । দৰঙৰ দুনী মহাবিদ্যালয়ৰ প্ৰবক্তা বিপিন শৰ্মা বৰুৱা নিৰীক্ষক হিচাপে আৰু খৈৰাবাৰী শিক্ষা খণ্ডৰ নিৰীক্ষণ তত্ত্বাৱধায়ক কেশৱ দাসে বিদ্যালয়খনৰ পৰিষ্কাৰ-পৰিচ্ছন্নতা, পঠন-লিখন, বিদ্যায়তনিক দিশ, শিক্ষক, ছাত্ৰ-ছাত্ৰীৰ উপস্থিতিৰ ৰেকৰ্ডৰ লগতে বিভিন্ন দিশ পৰ্যবেক্ষণ কৰে ।
ইপিনে বিদ্যালয়ৰ মূল প্ৰৱেশ দুৱাৰত কলপূলি পুতি আটকধুনীয়াকৈ সজাই তোলে বিদ্যালয় পৰিচালনা সমিতি আৰু শিক্ষকসকলে । বিদ্যালয় পৰিচালনা সমিতিৰ সভাপতি বাপন চন্দ্ৰ নাথ, প্ৰাক্তন ছাত্ৰ নেতা প্ৰসন্ন বড়া, ফুলেশ্বৰ নাথ আদিকে ধৰি বহুকেইগৰাকী ব্যক্তি উপস্থিত থাকে ।
বিদ্যালয়খনৰ প্ৰধান শিক্ষক খগেন চন্দ্ৰ নাথৰ অসুস্থতাৰ বাবে ভাৰপ্ৰাপ্ত হিচাপে বেণুধৰ কলিতাই গুণোৎসৱৰ সকলো কাম আগবঢ়োৱাই কয় যে প্ৰথম পৰ্যায়ৰ গুণোৎসৱত ২ নম্বৰৰ বাবে গ্ৰেড এৰ পৰা বঞ্চিত হোৱাত দ্বিতীয় পৰ্যায়ত গ্ৰেড এ দখল কৰিব বুলি তেওঁলোক আশাবাদী ।
- Log in to post comments
- 65 views
