যোৰহাটত উপস্থিত সোণৰ পদক বিজয়ী ৰুণজুন পেগু

ৰাষ্ট্ৰীয় জেভলিন থ্ৰ'ত সোণৰ পদক লাভ কৰা ৰুণজুন পেগুৱে আজি দিনৰ ১১ বজাত যোৰহাট ৰৰৈয়া বিমানবন্দৰত অৱতৰণ কৰে । খেলুৱৈগৰাকীক বিমানবন্দৰতে বিভিন্ন দল-সংগঠনে সম্বৰ্ধনা জনায় ।

ইয়াৰ পিছত যোৰহাট আৱৰ্ত ভৱনলৈ শোভাযাত্ৰা কৰি অনা হয় ৰুণজুনক । আজি যোৰহাটতে নিশাটো থাকি কাইলৈ মাজুলীত উপস্থিত হ'ব ৰুণজুন । পুৱা ৮ বজাত কমলাবাৰী ঘাটৰ পৰা হেজাৰ হেজাৰ লোকে জেংৰাইমুখলৈ শোভাযাত্ৰা কৰি নিব ।

জেংৰাইমুখ ৰাজীৱ গান্ধী ক্ৰীড়া প্ৰকল্পত আনুষ্ঠানিকভাৱে মিচিং স্বায়ত্তশাসিত পৰিষদৰ উদ্যোগত বিভিন্ন দল-সংগঠনৰ সহযোগত সম্বৰ্ধনা জনোৱা হ'ব ।

সেই লৈ এতিয়া সমগ্র মাজুলীতে ব্যাপক উৎসাহ দেখা গৈছে ।