৩০ ছেপ্টেম্বৰত ধলপুৰত ফুটবল প্ৰতিযোগিতা 

খেলৰ মাধ্যমেৰে আভ্যন্তৰীণ শৃংখলা জাগ্ৰত কৰি এখন সুস্থ-সবল সমাজ গঢ়াৰ উদ্দেশ্যে লখিমপুৰ জিলাৰ ধলপুৰস্থিত এঠাবাৰী গাঁৱত ৩০ ছেপ্টেম্বৰ তাৰিখৰ পৰা কচুৱা বহুমুখী উচ্চ মাধ্যমিক বিদ্যালয় খেলপথাৰত এখনি ফুটবল প্ৰতিযোগিতা অনুষ্ঠিত হ'ব ৷

উল্লেখ্য যে ধলপুৰৰ পঞ্চপুৰ সত্ৰৰ গোপাল প্ৰভু থানৰ হোতা গোপালৰ উদ্যোগত আৰু অঞ্চলটোৰ জনসাধাৰণৰ সহযোগত আয়োজিত এই খেলখন পাঞ্চজন্য ক্ৰীড়া সন্থাৰ নেতৃত্বত আয়োজন কৰা হৈছে ৷

লখিমপুৰ জিলাৰ ফুটবল দলসমূহৰ লগতে বিশ্বনাথ আৰু শোণিতপুৰ জিলাৰ ফুটবল দলসমূহকো এই প্ৰতিযোগিতাত অংশগ্ৰহণ কৰিবৰ বাবে আহ্বান জনাইছে ৷