গোলাঘাটত আজিৰপৰা ভেক্‌চিন নোলোৱা কোনো ব্যৱসায়ীয়ে খুলিব নোৱাৰিব দোকান

গোলাঘাট জিলাৰ নতুনকৈ নিযুক্ত উপায়ুক্ত মৃগেশ নাৰায়ণ বৰুৱাই আজি জিলাখনৰ বিভিন্ন স্থান পৰিদৰ্শন কৰি দোকান -পোহাৰ , বজাৰৰ পৰিস্থিতিৰ বুজ লয় ৷ উপায়ুক্ত বৰুৱাই  সংবাদ মাধ্যমৰ আগত জনাই যে ক’ভিড প্ৰতিষেধক নোলোৱা কোনো গেলামালৰ ব্যৱসায়ী বা কোনো পথৰ কাষৰ ফল-মূলৰ ব্যৱসায়ীয়ে দোকান খুলিব নোৱাৰিব ৷

ইয়াৰোপৰি নতুনকৈ নিযুক্ত গোলাঘাট জিলাৰ উপায়ুক্ত গৰাকীয়ে জনাই যে, জিলাখনত ক’ভিড প্ৰতিষেধক পৰ্যাপ্ত পৰিমাণে মজুত আছে ৷