কাজিৰঙাৰ বাগৰি বনাঞ্চলত উদ্ধাৰ হৈছে নিখোজ বনকৰ্মীৰ মৃতদেহ

কাজিৰঙাৰ বাগৰি বনাঞ্চলৰ আমকাঠনি বনশিবিৰ এলেকাত বিগত দুদিন ধৰি নিখোজ হৈ থকা এজন বনকৰ্মীৰ শুক্ৰবাৰৰ দিনা মৃতদেহ উদ্ধাৰ হয় ৷

বনাঞ্চলৰ এটা নলাত পৰি থকা অৱস্থাত উদ্ধাৰ হৈছে ৱাহিদুৰ ৰহমান নামৰ বনকৰ্মীজনৰ মৃতদেহ ৷

বাগৰি বনাঞ্চলৰ আমকাঠনি বন শিবিৰৰ পৰা যোৱা মংগলবাৰৰপৰাই নিৰুৰ্দিষ্ট হৈছিল মৃত ৱাহিদুৰ ৰহমান নামৰ বনকৰ্মী জন ৷ উদ্যান কৰ্তৃপক্ষই যোৱা দুটা দিনত বনাঞ্চলৰ ভিতৰত ৱাহিদুৰ ৰহমানক বিচাৰি হাতী , ম’বাইল ট্ৰেকাৰ আৰু স্নীফাৰ ডগ আদিও ব্যৱহাৰ কৰিছিল ৷ 

শেহতীয়াকৈ ঘটনাৰ সন্দৰ্ভত উদ্যান কৰ্তৃপক্ষই তদন্ত আৰম্ভ কৰা বুলি জানিব পৰা গৈছে ৷