আমবাৰীত বনৰীয়া গাহৰিৰ আক্ৰমণত আহত মখলেশ আলীৰ জিএমচিএইচত মৃত্যু

গুৱাহাটীত আমবাৰীত বনৰীয়া গাহৰিৰ আক্ৰমণত গুৰুতৰভাৱে আহত হোৱা মখলেশ আলীৰ মৃত্যু।পুৰাতত্ব বিভাগৰ কাৰ্যালয়ত চকীদাৰ হিচাপে কৰ্মৰত আছিল ৫৪বছৰীয়া মৃত আলী।

উল্লেখ যে বৰপেটা জিলাৰ সৰ্থেবাৰীৰ বেলবাৰীৰ মৃত আলীক শনিবাৰে পুৱাই আক্ৰমণ কৰিছিল বনৰীয়া গাহৰিয়ে।গুৰুতৰভাৱে আহত আলী গুৱাহাটী মেডিকেল কলেজ হাস্পতালত আইচিইউত চিকিৎসাধীন হৈ আছিল।দেওবাৰে ৰাতি ১০.৩০ বজাত চিকিৎসাধীন অৱস্থাত তেওঁ শেষ নিশ্বাস ত্যাগ কৰে।

গুৰুত্বপূৰ্ণ যে যোৱা শনিবাৰে পুৱাই আমবাৰীত বনৰীয়া গাহৰিৰ আক্ৰমণত আহত হৈছিল মুঠ ৪জন।