জালাহত কৰ'ণা ভাইৰাছৰ সজাগতা সৃষ্টিৰ বাবে বাটৰ নাট প্ৰদৰ্শন

জালাহৰ পৰা গুঞ্জন দাসৰ প্ৰতিবেদন :

বাক্সা জিলাৰ যুটীয়া স্বাস্থ্য সঞ্চালকালয়ৰ উদ্যোগত আৰু জিলা গ্ৰামীণ বিকাশ অভিকৰণৰ সহযোগত বৃহস্পতিবাৰে জালাহঘাট বজাৰত ন'বেল কৰ'না ভাইৰাছৰ সজাগতা সৃষ্টিৰ বাবে বাটৰ নাট প্ৰদৰ্শন কৰে। প্ৰায় ২০ জনীয়া শিল্পীৰ দলে বাটৰ নাট প্ৰদৰ্শন কৰি চীন দেশত সৃষ্টি হোৱা এই ৰোগত যাতে কোনো ব্যক্তি আক্ৰান্ত নহয় তাৰ বাবে ৰাইজক সজাগ হৈ থাকিবলৈ আহ্বান জনায়। মুকলিভাৱে বিক্ৰী হোৱা খাদ্য গ্ৰহণ নকৰিবলৈ আহ্বান জনোৱাৰ উপৰিও কাহ, মুৰঘূৰণি, পাতলী‌য়া পায়খানা আদি হ'লে ওচৰৰ স্বাস্হ্য কেন্দ্ৰত যোগাযোগ কৰিবলৈ আহ্বান জনোৱাৰ লগতে কোনো ব্যক্তিৰ এই লক্ষণসমূহ দেখা দিলে ৬৯১৩৩৪৭৭৭০(১-২-৩) এই ফোন নম্বৰ কেইটাত যোগাযোগ কৰিবলৈ আহ্বান জনায়।