অসম প্ৰদেশ সাংবাদিক সন্থাৰ কাৰ্যনিৰ্বাহক সভা সম্পন্ন : নলবাৰীত ৰাষ্ট্ৰীয় প্ৰেছ দিৱস উদযাপনৰ সিদ্ধান্ত

বঙাইগাঁওঃ 

ৰাজ্যখনত নতুনকৈ আত্মপ্ৰকাশ কৰা মফছলীয় সাংবাদিকসকলৰ উমৈহতীয়া মঞ্চ 'অসম প্ৰদেশ সাংবাদিক সন্থা'ৰ প্ৰথমখন কাৰ্যনিৰ্বাহক সভা বৃহস্পতিবাৰে নলবাৰীত অনুষ্ঠিত হয়। নলবাৰীৰ আমচা হাউচত অসম প্ৰদেশ সাংবাদিক সন্থাৰ সভাপতি কুঞ্জমোহন ৰায়ৰ পৌৰোহিত্যত অনুষ্ঠিত আৰু সাধাৰণ সম্পাদক কুন্তল কলিতাই উদ্দেশ্য ব্যাখ্যা কৰা কাৰ্যনিবাহক সভাখনত সংগঠনটোৰ সাংগঠনিক দিশৰ ওপৰত পৰ্যালোচনা কৰা হয়। অসম চৰকাৰৰ সাংবাদিক পেঞ্চনাৰ তথা সন্থাৰ উপদেষ্টা ৰত্নেশ্বৰ তালুকদাৰ উপস্থিত থকা গুৰুত্বপূৰ্ণ বৈঠকখনত কে'বাগৰাকী বিষয়ববীয়াই সন্থাৰ সাংগঠনিক দিশ শক্তিশালী কৰাত গুৰুত্ব আৰোপ কৰি বক্তব্য ৰাখে। আনহাতে সংগঠনটোৰ উদ্যোগত আগন্তুক ৰাষ্ট্ৰীয় প্ৰেছ দিৱসটি নলবাৰীত উদযাপন কৰাৰো  প্ৰস্তাৱ গ্ৰহন কৰা হয় ৷