নলবাৰীৰ ধমধমাত এন ডি এফ বি সদস্য গ্ৰেপ্তাৰ : ৰাইফল উদ্ধাৰ 

নলবাৰীৰ পৰা হেমন্ত কলিতাৰ প্রতিবেদন :

নলবাৰী ধমধমা আৰক্ষী চকীৰ অন্তৰ্গত ৰাঙাফলিৰ পৰা সোমবাৰে  গ্ৰেপ্তাৰ হয় এজন এন.ডি.এফ.বিৰ সদস্য । ধৃত এন.ডি.এফ.বি সদস্যজনৰ নাম বলোৰাম বসুমতাৰী বুলি জানিব পৰা গৈছে। বসুমতাৰীয়ে তেৰমাইলৰ পৰা এটা ৰাইফল আনি ৰঙাফলিত এজন ব্যক্তিক দিব আহোতে আৰক্ষী আৰু সেনাৰ যুটীয়া  অভিযানত উগ্ৰপন্থীজন গ্ৰেপ্তাৰ হয় । উদ্ধাৰ হোৱা ৰাইফলটো ৭:৬২. এচ এল চাইনিজ বুলি জানিব পৰা গৈছে । সম্প্ৰতি ধৃত বলোৰাম বসুমতাৰীক আৰক্ষীয়ে ঘগ্ৰাপাৰ থানাত অধিক তথ্যৰ বাবে জেৰা অব্যাহত ৰাখিছে ।