নাৰায়ণপুৰৰ বিভিন্ন স্থানত ভাৰত ৰত্নলৈ শ্ৰদ্ধাঞ্জলি 

দেশৰ প্ৰাক্তন প্ৰধানমন্ত্ৰী,ভাৰতৰত্ন অটল বিহাৰী বাজপেয়ীৰ মৃত্যুৰ খবৰে সমগ্ৰ দেশবাসীৰ লগতে লখিমপুৰ জিলাৰ নাৰায়ণপুৰতো গভীৰ শোকৰ ছাঁ পেলাইছে । ইতিমধ্যে নাৰায়ণপুৰৰ বিভিন্ন দল-সংগঠন,অনুষ্ঠান প্ৰতিষ্ঠানে শ্ৰদ্ধাঞ্জলি অনুষ্ঠানৰ আয়োজন কৰি প্ৰিয় নেতা গৰাকীলৈ গভীৰ শ্ৰদ্ধা নিবেদন কৰে ৷ নাৰায়ণপুৰ নগৰৰ মাজ-মজিয়াত মণ্ডল বিজেপিৰ উদ্যোগতো আজি এক ৰাজহুৱা শ্ৰদ্ধাঞ্জলি অনুষ্ঠানৰ আয়োজন কৰা হয় ।

উক্ত অনুষ্ঠানত উপস্থিত আছিল স্থানীয় বিধায়ক দেবানন্দ হাজৰিকা,বিজেপি নেতা নিতুমণি বৰুৱা,হৰিশ চন্দক, সুনীল হাজৰিকা,প্ৰনৱ হাজৰিকা,বিপুল ভূঞাকে ধৰি প্ৰায় সংখ্যক স্থানীয় দলীয় নেতাৰ লগতে কেইবা শতাধিক লোক। আনহাতে,নাৰায়ণপুৰ গেছ এজেঞ্চীৰ কাৰ্যালয়তো আজি শ্ৰদ্ধাঞ্জলি অনুষ্ঠানৰ আয়োজন কৰে ৷

স্বত্বাধিকাৰী বিপুল ভূঞা, নাৰায়ণপুৰ প্ৰেছ ক্লাবৰ সম্পাদক দিপান্ত কাকতি, সাংবাদিক প্ৰদীপ বৰা,বুলুপ্ৰভা দত্ত শইকীয়া,অনু চাবুকধৰা, কমলা শইকীয়াকে ধৰি অৰ্ধ শতাধিক লোকে উক্ত অনুষ্ঠানত অংশগ্ৰহণ কৰি নেতা গৰাকীলৈ শ্ৰদ্ধাঞ্জলি জ্ঞাপন কৰে৷ ইয়াৰ উপৰি নাৰায়ণপুৰ শাখা সাহিত্য সভা,মণ্ডল বিজেপিৰ মহিলা মৰ্চা,যুৱ মৰ্চা, টাই আহোম ছাত্র সন্থা,বীৰ লাচিত সেনা আদিকে ধৰি বিভিন্ন দল-সংগঠনেও প্ৰাক্তন প্ৰধানমন্ত্ৰী গৰাকীলৈ গভীৰ শ্ৰদ্ধাঞ্জলি নিবেদন কৰে ৷৷