লংকাত চিলিণ্ডাৰৰ জুইয়ে ভস্মীভূত কৰিলে এটা বাসগৃহ,সা-সামগ্ৰীৰ লগতে জুইত জাহ গ'ল নগদ পঞ্চাশ হেজাৰ টকায়ো

লঙ্কাৰ পৰা মনোজ কুমাৰ পাঠকৰ প্রতিবেদন :
লংকাৰ এন-এৰিয়া বস্তিৰ বিষ্ণুৰাম তামুলী পথৰ সুৱল দাস নামৰ ব্যক্তি গৰাকীৰ ঘৰত শনিবাৰে  নিশা এক অগ্নিকাণ্ডৰ ঘটনা সংঘটিত হয় । পাকঘৰৰ গেছ চিলিণ্ডাৰৰ পৰা গেছ লিক হোৱাত জুয়ে চানি ধৰে সমগ্ৰ ঘৰটো। আৰু মুহূৰ্ততে ঘৰৰ ভিতৰৰ প্ৰায় লক্ষাধিক টকাৰ বয়-বস্তু  জুইত জাহ যোৱাৰ উপৰিও মূল্যৱান নথি পত্ৰ সহ নগদ  প্ৰায় ৫০ হাজাৰ টকায়ো জুইত জাহ যায় | নিজৰ গৃহটোত জ্বলা জুই নুমুৱাৱলৈ গৈ আহত হব লগা হয় ঘৰৰ মূৰব্বী সুৱল দাস | পিছত সুৱল দাসক লংকা প্ৰাথমিক চিকিৎসালয়লৈ প্ৰেৰণ কৰা হয় | আনহাতে বাৰে বাৰে ফোন কৰা পিছতো লংকা অগ্নি নিৰ্বাপক বাহিনীৰ গাড়ী সময়ত আহি নোপোৱাত,অগ্নিশৰ্মা হৈ পৰে ভুক্তভোগী পৰিয়ালটোৰ লগতে স্থানীয় ৰাইজ। পিছত স্থানীয় ৰাইজৰ উদ্যোগতে ঘৰটোৰ জুই নুমোৱাবলৈ সক্ষম হয়।