ভ্ৰাম্যমাণৰ অভিনেতা দিলীপ ৰঞ্জন দত্তলৈ "মঞ্চ গৌৰৱ, অসম"  উপাধি প্ৰদান

 গোলাঘাট, ২২ এপ্ৰিল : জীৱনৰ সুদীৰ্ঘ কাল নাটকৰ নামত উৰ্চগা কৰা অসমৰ  বলিষ্ঠ অভিনেতা দিলীপ ৰঞ্জন দত্তলৈ গোলাঘাটৰ ঢেকিয়াল অঞ্চলৰ  অন্যতম "নাট্যগোষ্ঠী পদাতিকে" আগবঢ়াইছে এই বৰ্ষৰ "মঞ্চ গৌৰৱ, অসম " উপাধি। অসমৰ ভ্ৰাম্যমাণ নাট্যদল ৰ অন্যতম জনপ্ৰিয় নাট "টাইটানিক"ৰ কাৰ্ল খ্যাত দত্তই জীৱনৰ সুদীৰ্ঘ সময় ভ্ৰাম্যমাণ নাট্য  জগতলৈ আগবঢ়োৱা অৱদানৰ লগতে আজীৱন নাট্যকলাৰ সাধনাত বৰ্তী  হৈ অসমৰ সাংস্কৃতিক ক্ষেত্ৰখনলৈ আগবঢ়োৱা তেখেতৰ অৱদানক সন্মান জনাই  ঢেকিয়ালৰ অন্যতম নাট্যগোষ্ঠী পদাতিকে এই সন্মান আগবঢ়াইছে। অহা ১২ মে' ২০১৯ তাৰিখ সন্ধিয়া ৭ বজাত  ঢেকিয়াল তিনিআলিৰ ৰূপালী জয়ন্তী বৰ্ষৰ ৰঙালী বিহু সন্মিলনত দত্তক এই উপাধি প্ৰদান কৰিব।