গোলাঘাটৰ অতিৰিক্ত উপায়ুক্ত উৎপল দলেক সম্বৰ্ধনা

গোলাঘাটৰ পৰা মীনাক্ষী ফুকন
আজি গোলাঘাটৰ অতিৰিক্ত উপায়ুক্ত, বিশিষ্ট কবি, প্ৰকৃতিপ্ৰেমী, মানৱদৰদী প্ৰশাসনিক বিষয়া উৎপল দলেক গোলাঘাটৰ অগ্ৰণী যুৱকল্যান অনুষ্ঠান “পুনচাং” আৰু “বিবেকানন্দ”ৰ উদ্যোগত বিপুল সম্বৰ্দ্ধনা জনোৱা হয় ৷ তেখেতৰ নিজা কক্ষত গোলাঘাট সদৰ কবি সন্মিলনৰ সম্পাদক দীপ হেষ্টিংছ বৰিয়ে আঁত ধৰা অনুষ্ঠানত উৎপল দলে ডাঙৰীয়ক গামোচা আৰু অভিনন্দন পত্ৰৰে সম্বৰ্দ্ধনা জনায় পুনচাঙৰ সভাপতি চিত্ৰৰঞ্জন মিলি, কোষাধ্যক্ষ অভিজৎ বৰি আৰু বিবেকানন্দ যুৱ কল্যাণ সমিতিৰ সম্পাদক দিনমণি ফুকনে ৷

ইয়াৰ সমান্তৰালভাৱে এই দলেক সম্বৰ্দ্ধনা জনায় কমাৰগাঁও সাংবাদিক সংস্থাৰ সম্পাদক পৱন কামান, কাজিৰঙাৰ সাংবাদিক ধ্ৰুৱজ্যোতি সাহা, পলিমা চেতিয়া বসুমতাৰী, কবি হেমা চৌধুৰী গগৈ, যুৱ সমাজকৰ্মী বিচিত্ৰ ৰাভা আৰু প্ৰমোদ বৰিয়ে৷