নলবাৰীত প্ৰাক্তন সৈনিক সমাবেশ সম্পন্ন 

নলবাৰীৰ পৰা হেমন্ত কলিতা

ভাৰত-পাকিস্তান  সীমান্তত উত্তেজনা অব্যাহত থকাৰ মাজতে নলবাৰী জিলাৰ প্ৰাক্তন সৈনিক সণ্হাৰ উদ্যোগত অাজি নলবাৰী চহৰৰ শংকৰদেৱ বিবাহ ভৱনত এখন প্ৰাক্তন সৈনিক সমাবেশ অনুষ্ঠিত হয় ।

প্ৰাক্তন সৈনিকসকলে ৰাজ্য চৰকাৰ তথা কেন্দ্ৰীয় চৰকাৰৰ বিভিন্ন আঁচনি সন্দৰ্ভত আলোচনা কৰাৰ  লগতে প্ৰাক্তন সৈনিক পৰিয়ালৰ লোকৰ লগত মত- বিনিময় কৰে । চিৰবৈৰী পাকিস্তানৰ লগত যদিহে  আনুষ্ঠানিকভাৱে যুদ্ধ ঘোষনা কৰা হয়,তেনেহ'লে প্ৰাক্তন সেনা জোৱানসকলে পুনৰ সেনাত  যোগদান কৰি দেশমাতৃক ৰক্ষা কৰিবলৈ সাজু বুলি মন্তব্য কৰে ।

নলবাৰী  জিলাৰ প্ৰাক্তন সৈনিক সণ্হাৰ সভাপতি হৰেন্দ্ৰ নাথ চক্ৰৱৰ্তীৰ সভাপতিত্বত অনুষ্ঠিত সভাখনত অৱসৰপ্ৰাপ্ত ভাৰতীয় সেনাৰ সহঃ সঞ্চালক দয়াল চন্দ্ৰ কাকতি,ভাৰতীয় সেনাৰ  ৫/৫ জিআৰ নলবাৰী শাখাৰ মেজৰ সন্দীপ হালদাৰ আৰু প্ৰাক্তন ভাৰতীয় সেনাৰ ভালেকেইজন প্ৰাক্তন সেনা উপস্থিত থাকে ।অনুষ্ঠানটোৰ অাঁত ধৰে প্ৰাক্তন সৈনিক বিপিন দত্ত,দীপক বৰ্মন অাৰু  জয়ন্ত কলিতাই । উক্ত অনু্ষ্ঠানতে  কেইবাগৰাকী প্ৰাক্তন সেনা জোৱানক সম্বৰ্ধনা জনোৱা হয় ।