বৰপেটাত জিএল আগৰৱালাৰ শ্ৰদ্ধাঞ্জলি অনুষ্ঠান 

বৰপেটাৰৰোডৰ পৰা ৰঞ্জিত তালুকদাৰ

বৰপেটা জিলা সাহিত্য সভাৰ উদ্যোগত আজি জিলা সাহিত্য সভাৰ সভাপতি তথা 'আমাৰ অসম' কাকতৰ স্বত্বাধিকাৰী জিএল আগৰৱালাৰ স্মৃতিত শ্ৰদ্ধাঞ্জলি অনুষ্ঠানৰ আয়োজন কৰা হয়।অনুষ্ঠানত শতাধিক গুণমুগ্ধৰ উপস্হিতিত বৰপেটা জিলাৰ প্ৰাক্তন উপায়ুক্ত থানেশ্বৰ মালাকাৰ,অসম সাহিত্য সভাৰ সদস্য গোৱিন্দ তালুকদাৰ, জিলাৰ ভাৰপ্ৰাপ্ত সভাপতি লাচিত কলিতাৰ উপৰিও ভালেসংখ্যক বিশিষ্ট লোকে আগৰৱালাৰ জীৱন দৰ্শন আৰু অসমীয়া ভাষাৰ প্ৰতি থকা উল্লেখনীয় অৱদান সন্দৰ্ভত আলোকপাত কৰে। অনুষ্ঠানৰ লগত সংগতি ৰাখি  'শ্ৰদ্ধাৰ্ঘ' নামেৰে এখনি স্মৰণিকাও প্ৰকাশ কৰা হয়৷