কুমাৰীকাটাত আচাৰ্য কুলমত যোগগুৰু ৰামদেৱ 

কুমাৰীকাটাৰ পৰা ধীৰজ উপাধ্যায়
বাক্সা জিলাৰ তামুলপুৰ মহকুমাৰ অন্তৰ্গত কুমাৰীকাটা আচাৰ্য কুলমৰ আজি প্ৰথম বাৰ্ষিক প্ৰতিষ্ঠা দিৱস উদ্‌যাপন কৰা হয়। উক্ত অনুষ্ঠানত পতঞ্জলী যোগপীঠৰ যোগগুৰু ৰামদেৱ, আয়ুৰ্বেদিক বনৌষধিৰ বিশেষজ্ঞ গুৰু বাল কৃষ্ণ, পতঞ্জলীৰ কৰ্মকৰ্তা, আচাৰ্য্য কুলমৰ ছাত্ৰ-ছাত্ৰীৰ লগতে অভিভাৱক-অভিভাৱিকাও উপস্থিত থাকে।

অনুষ্ঠানত যোৱা ১৪ ফেব্ৰুৱাৰীত জন্মু-কাশ্মীৰৰ পুলৱামাত পাকিস্তান সমৰ্থিত সন্ত্ৰাসবাদীৰ আক্ৰমণত ছহিদ তামুলপুৰৰ কলাবাৰী গাঁৱৰ মনেশ্বৰ বসুমতাৰীৰ পৰিয়ালক সম্বৰ্ধনা জনায়। উক্ত অনুষ্ঠানত যোগগুৰু ৰামদেৱে পতঞ্জলীৰ বিভিন্ন অনুষ্ঠানৰ বাবে বিটিচি প্ৰশাসনে ১৫০০ বিঘা মাটি দান দিয়াৰ বাবে ধন্যবাদ জনায়৷

বিটিচি প্ৰমুখ হাগ্ৰামা মহিলাৰী, বিটিচিৰ উপ-মুখ্য কাৰ্যবাহী সদস্য খামফা বৰগয়াৰী, স্থানীয় বিধায়ক ইমানুৱেল মুছাহাৰী, ২৬নং দৰংগাজুলী সমষ্টিৰ এমচিএলএ বিজিত গৌৰা নাৰ্জাৰীৰ লগতে প্ৰায় তিনি শতাধিক লোক অনুষ্ঠানত উপস্থিত থাকে।