নলবাৰী কৃষি বিজ্ঞান কেন্দ্ৰত ৰবি শস্যৰ প্ৰদৰ্শনী-কৰ্মশালা সম্পন্ন

নলবাৰীৰ পৰা হেমন্ত কলিতা
নলবাৰী জিলা কৃষি বিজ্ঞান কেন্দ্ৰত আজি এখন ৰবি শস্যৰ প্ৰদৰ্শনীৰ লগতে কৰ্মশালা অনুষ্ঠিত হয়। নলবাৰী জিলা উপাযুক্ত ভাৰত ভূষন দেৱচৌধুৰীয়ে মুকলি কৰা প্ৰদৰ্শনীখনত জিলাখন বিভিন্ন প্ৰান্তৰ কৃষকসকলে নিজৰ নিজৰ উৎপাদিত সামগ্ৰীসমূহ প্ৰদৰ্শন কৰে।

ইয়াৰ পিছতেই কৃষি বিজ্ঞান কেন্দ্ৰত ৰবি শস্যৰ এখন কৰ্মশালা অনুষ্ঠিত হয় । নলবাৰী জিলা কৃষি বিজ্ঞান কেন্দ্ৰৰ মুখ্য সমন্বয়ক মুদূল ডেকাই আঁতধৰা অনুষ্ঠানটোত বিধায়ক অশোক শৰ্মা, অসম কৃষি বিশ্ব বিদ্যালয়ৰ জল ব্যাৱস্থাপনা বিভাগৰ মুখ্য বিজ্ঞানী ৰমনী কান্ত ঠাকুৰীয়া, নলবাৰী জিলা কৃষি বিষয়া প্ৰণৱ শইকীয়া, সহঃ সঞ্চালক হেমন্ত কলিতা, পশু পালন বিষয়া অশ্বেনী কলিতা, নলবাৰী জিলা পথাৰ পৰিচালনা সমিতিৰ সভাপতি জয়চৰন হালৈৰ লগতে জিলাখনৰ ৰাষ্ট্ৰীয় আৰু ৰাজ্যিক পৰ্যায়ত বঁটা লাভ কৰা ভালে কেইজন কৃষক উপস্হিত থাকে ।