ডুবাইত সাংস্কৃতিক অনুষ্ঠান পৰিৱেশন কৰিব বৰপেটাৰ পদ্মাপ্ৰিয়া সাংস্কৃতিক গোষ্ঠীয়ে

বৰপেটাৰোডৰ পৰা ৰনজিৎ তালুকদাৰ

বৰপেটা জিলাৰ হাউলীৰ পদ্মাপ্ৰিয়া মহিলা সাংস্কৃতিক গোষ্ঠীয়ে ডুবাইত সাংস্কৃতিক অনুষ্ঠান পৰিৱেশন কৰিবৰ বাবে আমন্ত্ৰিত হৈছে ৷

ইয়াৰ পূৰ্বেও থাইলেণ্ড, স্পেইনৰ উপৰি পুণে, চিমলা, ওড়িশা, মথুৰা আদিত সফলতাৰে অনুষ্ঠান পৰিবেশন কৰি গুৰুজী বঁটাৰে সন্মানিত হোৱা দলটোৰ সাধাৰণ সম্পাদিকা সোণালী দাসে জানিবলৈ দিয়ামতে, অহা ১৪ নৱেম্বৰৰ পৰা ১৭ নৱেম্বৰলৈ ডুবাইত অনুষ্ঠিত হ'বলগীয়া 8th Cultural Olympiad of Performing Artsত অংশগ্ৰহণ কৰি বৰগীত, হোলীগীত আৰু বিহুগীত তথা নৃত্য প্ৰদৰ্শন কৰিব ৷

ডুবাইলৈ যাবলগীয়া ১৮জনীয়া শিল্পী দলটোৰ সদস্যসকল হৈছে- সোণালী দাস (দলপতি), তৰু ডেকা, দিপালী শইকীয়া দত্ত, আশা কাকতি দাস, জয়মতী তালুকদাৰ, ইনা কলিতা, ভানুমতী কাকতি, হীৰামণি দাস, স্মৃতিশিখা ৰায়, প্ৰীতি দাস, গুণৱতী দাস ভড়ালী, ৰেখাবৰ্মন, ডঃ অনিল শইকীয়া, অজিত কুমাৰ দাস, কীৰেন্দ্ৰ চন্দ্ৰ দাস, ৰমানন্দ পাঠক, গৌৰৱ দাস আৰু অৰূপজ্যোতি দাস ৷