তামুলপুৰত জনগোষ্ঠীয় নৃত্য সমাৰোহৰ আয়োজন

"জাতীয় সাংস্কৃতিক ঐক্য মঞ্চ" তামুলপুৰ মহকুমা সমিতি আৰু তামুলপুৰ আঞ্চলিক সমিতিৰ উদ্যোগত ১১ নৱেম্বৰৰ দিনা দিনজোৰা কাৰ্যসূচীৰে তামুলপুৰ উচ্চতৰ মাধ্যমিক বিদ্যালয় খেলপথাৰত  "জনগোষ্ঠীয় নৃত্য সমাৰোহ-  সেতু দ্যা ব্ৰীজ"ৰ আয়োজন কৰা হৈছে ।

সেইদিনা অঞ্চলটোৰ দহটা বিভিন্ন জনগোষ্ঠীৰ ১০ হাজাৰ নৃত্যশিল্পীয়ে একেলগে নৃত্য পৰিৱেশন কৰিব । কাৰ্যসূচী অনুসৰি সেইদিনা পুৱা ৯ বজাত বন্তি প্ৰজ্বলন কৰিব তামুলপুৰৰ বিশিষ্ট অভিনেতা প্ৰফুল্ল চন্দ্ৰ মহন্ত আৰু বিশিষ্ট সাংস্কৃতিককৰ্মী মদন মোহন শৰ্মাই ।

৯.১৫  বজাত পতাকা উত্তোলন কৰিব জাতীয় সাংস্কৃতিক ঐক্য মঞ্চ তামুলপুৰ মহকুমা সমিতিৰ সভাপতি গোপীনাথ দাস আৰু জনগোষ্ঠীয় সাংস্কৃতিক ঐক্য মঞ্চৰ সভাপতি ৰামেশ্বৰ ব্ৰহ্মই ।

পুৱা ৯.৩০ বজাত  স্মৃতি তৰ্পণ কৰিব জাতীয় সাংস্কৃতিক ঐক্য মঞ্চৰ তামুলপুৰ মহকুমা সমিতিৰ সম্পাদক নগেন টুডু আৰু আৰু  জনগোষ্ঠীয় সাংস্কৃতিক ঐক্য মঞ্চৰ তামুলপুৰ আঞ্চলিক সমিতিৰ সম্পাদক ব্ৰজেন মহন্তই । পুৱা ১০ বজাত জনগোষ্ঠীয় নৃত্য সমাৰোহ ক্ষেত্ৰ মুকলি কৰিব বিটিচিৰ কাৰ্যবাহী সদস্য দেবেন বড়োৱে । সমাৰোহ সঞ্চালনা কৰিব অভিনেতা অভিজিৎ দাসে ।

পুৱা ১০.৩০ বজাত অতিথি সম্বৰ্ধনা অনুষ্ঠান । সমাৰোহ উদ্বোধন কৰিব তামুলপুৰ সমষ্টিৰ বিধায়ক ইমানুৱেল মুছাহাৰীয়ে । সমাৰোহত মুখ্য অতিথি হিচাপে অংশগ্ৰহণ কৰিব প্ৰাগ নিউজ চেনেলৰ জ্যেষ্ঠ অনুষ্ঠান কাৰ্যবাহী মন মৰমী মহন্ত আৰু এ চি এছ সঞ্চালিকা বৰ্ণালী শৰ্মাই ।

নিৰ্দিষ্ট বক্তা হিচাপে অংশগ্ৰহণ কৰিব অসম আৰক্ষীৰ সীমান্ত শাখা সঞ্চালক ভাস্কৰজ্যোতি মহন্তই । বিশিষ্ট অতিথি হিচাপে অংশগ্ৰহণ কৰিব লোকসভাৰ সাংসদ নৱ কুমাৰ শৰণীয়া, জলসিঞ্চন বিভাগৰ মন্ত্ৰী ভৱেশ কলিতা, বিটিচিৰ কাৰ্যবাহী সদস্য গনেশ কছাৰী আৰু মহেশ্বৰ বসুমতাৰী, বিটিচিৰ এম চি এল এ বিজিৎ গৌৰা নাৰ্জাৰী, অসমবাণীৰ মুখ্য কাৰ্যবাহী সম্পাদক দিলীপ চন্দন আৰু আৰক্ষী অধীক্ষক বিনয় কুমাৰ কলিতাই ।

সমাৰোহত আমন্ত্ৰিত অতিথি হিচাপে অংশগ্ৰহণ কৰিব তামুলপুৰ অঞ্চলৰ ৰাজনৈতিক আৰু অৰাজনৈতিক ব্যক্তি, দল আৰু সংগঠনৰ সভাপতি আৰু সম্পাদকসকলে ।