গুৱাহাটী বিশ্ববিদ্যালয়ৰ স্নাতক পৰীক্ষাৰ সংশোধিত সময়-সূচী ঘোষণা

পঞ্চায়ত নিৰ্বাচনৰ পৰিপ্ৰেক্ষিতত পিচুওৱা হ'ল গুৱাহাটী বিশ্ববিদ্যালয়ৰ স্নাতক মহলাৰ পৰীক্ষা । বিশ্ববিদ্যালয়খনে পূৰ্বতে ঘোষণা কৰা সময়সূচী সংশোধন ঘটাই প্ৰকাশ কৰিছে নতুন সময়সূচী ।

সেই অনুযায়ী ২১ ডিচেম্বৰ পৰা ৫ জানুৱাৰীলৈ অনুষ্ঠিত হ'ব স্নাতক প্ৰথম ষণ্মাসিকৰ পৰীক্ষাসমূহ । একেদৰে ২২ নৱেম্বৰৰ পৰা ৩০ নৱেম্বৰলৈ অনুষ্ঠিত হ'ব তৃতীয় ষাণ্মাসিকৰ প্ৰথম পৰ্যায়ৰ পৰীক্ষাসমূহ ।

১৭ ডিচেম্বৰৰ পৰা ২০ ডিচেম্বৰলৈ অনুষ্ঠিত হ'ব তৃতীয় ষাণ্মাসিকৰ দ্বিতীয় পৰ্যায়ৰ পৰীক্ষাসমূহ । ইফালে পঞ্চম ষাণ্মাসিক পৰীক্ষাসমূহ অনুষ্ঠিত হ'ব ২১ ডিচেম্বৰৰ পৰা ৫ জানুৱাৰীলৈ ।

এই কথা জানিবলৈ দিছে বিশ্ববিদ্যালয়খনৰ পৰীক্ষা নিয়ন্ত্ৰক কৰ্তৃপক্ষই ।