গোলাঘাটত সদৌ অসম একাংক নাট প্ৰতিযোগিতা

গোলাঘাটৰ পৰা মীনাক্ষী ফুকন

অসম গোলাঘাট মহকুমা ছাত্ৰ সন্থাৰ উদ্যোগত আৰু আঞ্চলিক ছাত্ৰ সন্থাৰ সহযোগত শুকুৰবাৰৰ পৰা পৰা আৰম্ভ হৈছে অসম ভিত্তিত একাংক নাট প্ৰতিযোগিতাৰ ।

সন্ধিয়া চলচ্চিত্ৰ পৰিচালক দীনেশ গগৈয়ে মঞ্চ উদ্বোধন কৰা এই প্ৰতিযোগিতাখনিত গোলাঘাট ছাত্ৰ সন্থাৰ তৰফৰ পৰা এখনি নাটেৰে শুভাৰম্ভ কৰা হয় । ছাত্ৰকৰ্মী কল্পজ্যোতি দত্তৰ পৰিচালনাত "সৰু চোৰ বৰ চোৰ" শীৰ্ষক নাটখনি সফল মঞ্চায়নত অভিনয় কৰে বিদ্যুৎ বৰা, তপন বৰুৱা, সৌভাগ্য শৰ্মা, প্ৰাণজিৎ বৰা, অন্তৰা হাজৰিকা আৰু ৰিমজিম দত্তই ।

মহকুমা পৰ্যায়ৰ সম্পাদক মনচুম বৰাই আঁতধৰা অনুষ্ঠানটিত দৰ্শকৰ উপস্থিতিয়ে আয়োজকসকলৰ লগতে অভিনেতাসকলকো আপ্লুত কৰে ।